ҚЫТАЙ ЖҮК КӨЛІГІ КӨЛІКТІК БАҚЫЛАУ ИНСПЕКЦИЯСЫНЫҢ ҚЫЗМЕТКЕРЛЕРІН ҚАҒЫП КЕТТІ
Ағымдағы жылдың 16 шілдеде Нұр – Сұлтан қаласы бойынша көліктік бақылау инспекциясының қызметкерлері қызмет атқару кезінде "HOWO" автокөлігінің жүргізушісі А.Тәженов тоқтату туралы заңды талаптарды елемей, "Нұр-Сұлтан-Қарағанды" автожолында көліктік бақылау бекетінің екі инспекторын қағып, сонымен қатар, жылжымалы көліктік бақылау инспекторларының көлігіне соқтығысқан.
Оқиға орнына Көлік комитетінің мамандары, жол полициясының қызметкерлері және жедел жәрдем мамандары келді. Зардап шеккен қызметкерлер ауруханаға жеткізілді.
Көліктік бақылау жүргізу барысында автокөлік құралының жалпы салмағы мен осьтік жүктемесінің 10 тоннадан асқаны анықталды, бұл ретте АКҚ жарақтандырылған жалпы салмағы 45 тоннаны (асфальт жүгі) құрады, бұл белгіленген рұқсат етілген параметрлерден 2 есе артық.
Көліктік бақылау нәтижелері бойынша 5 әкімшілік материал ресімделді, оның ішінде жүргізушіге қатысты екеу, тасымалдаушыға қатысты үшеу (жүктерді тасымалдау ережесін бұзғаны үшін, КТҚ-ның болмауы, көліктік бақылау органдары қызметкерлерінің талаптарын орындамағаны үшін, салмақ параметрлеріне кедергі келтіргені және артқаны үшін).
Көліктік бақылау қызметкерлерін қасақана қағып кету фактісі бойынша Нұр-Сұлтан қаласы, Алматы аудандық полиция басқармасы қылмыстық іс қозғады.
Айта кету керек, Көлік комитеті елдің автомобиль жолдарын сақтау үшін 2019 жылдың 21 мамырынан 31 тамызына дейін жыл сайынғы "Назар аударыңыз, ауыр салмақты көлік!". Жолдардың бұзылуының негізгі факторы жол берілетін салмақ параметрлерінен асып кететін ауыр салмақты машиналардың өтуі болып табылады. Ең басым көпшілігінде бұл тиеу карьерлерде, инертті материалдар жинағыштарында және асфальт зауыттарында жүріп жатқан Қытай өндірісінің өзі аударғыштары.
Өткен жылы көлік бақылау органдары қызметкерлерінің заңды талаптарына АКҚ тоқтамау фактілері бойынша ішкі істер органдарына құқық бұзушыларды көлік инспекцияларына мәжбүрлеп жеткізу үшін 13 хат жолданды.
Бұдан басқа, автожолдардың сақталуын бақылауды қамтамасыз етуді арттыру мақсатында Көлік комитеті 2019 жылғы 27 сәуірден бастап халықтың белсенді бөлігінен ахуалдық орталықтың "Whats app" мессенджеріне +77080880800 нөмірі бойынша жалпы пайдаланымдағы жолдар бойынша инертті жүктерді тасымалдайтын ауыр салмақты өзі аударғыштардың жүру фактілері бойынша бейнеайналымды қабылдау акциясын бастады. Барлық келіп түскен бейнехаттар бойынша аумақтық инспекциялар әкімшілік сипаттағы шаралар қабылдайды.
