«АЭРОНАВИГАЦИЯЛЫҚ ҚЫЗМЕТ КӨРСЕТУДІ БЕРУШІНІ СЕРТИФИКАТТАУ ЖӘНЕ ОҒАН СЕРТИФИКАТ БЕРУ ҚАҒИДАЛАРЫН, СОНДАЙ-АҚ АЭРОНАВИГАЦИЯЛЫҚ ҚЫЗМЕТ КӨРСЕТУДІ БЕРУШІЛЕРГЕ ҚОЙЫЛАТЫН СЕРТИФИКАТТАУ ТАЛАПТАРЫН БЕКІТУ ТУРАЛЫ» ҚАЗАҚСТАН РЕСПУБЛИКАСЫ ИНВЕСТИЦИЯЛАР ЖӘНЕ ДАМУ МИНИСТРІНІҢ 2017 ЖЫЛҒЫ 26 МАУСЫМДАҒЫ № 384 БҰЙРЫҒЫНА ӨЗГЕРІСТЕР МЕН ТОЛЫҚТЫРУЛАР ЕНГІЗУ ТУРАЛЫ» ҚАЗАҚСТАН РЕСПУБЛИКАСЫ ИНДУСТРИЯ ЖӘНЕ ИНФРАҚҰРЫЛЫМДЫҚ ДАМУ МИНИСТРІНІҢ БҰЙРЫҚ ЖОБАСЫНА БАСПАСӨЗ РЕЛИЗІ
2020 жылғы 29 маусымда Қазақстан Республикасының Әкімшілік рәсімдік-процестік кодексіне (бұдан әрі – Кодекс) қол қойылды және 2021 жылғы 1 шілдеден бастап қолданысқа енгізілді.
Кодекске сәйкес, өтініш талаптарға сәйкес келмеген жағдайда, көрсетілетін қызметті беруші көрсетілетін қызметті алушыны, оны сәйкес келтіру үшін ақылға қонымды мерзім белгілей отырып, өтініштің қандай талаптарға сәйкес келмейтінін хабардар етуге міндетті, сондай-ақ шағымды әкімшілік (сотқа дейінгі) тәртіппен қарауды жоғары тұрған әкімшілік орган, лауазымды адам, сондай-ақ Қазақстан Республикасының заңдарына сәйкес уәкілеттік берілген өзге де әкімшілік орган, лауазымды адам жүргізеді.
Осыған байланысты, Кодекс талаптарына сәйкес келтіру мақсатында «Аэронавигациялық қызмет көрсетуді берушіні сертификаттау және оған сертификат беру қағидаларын, сондай-ақ аэронавигациялық қызмет көрсетуді берушілерге қойылатын сертификаттау талаптарын бекіту туралы» Қазақстан Республикасы Инвестициялар және даму министрінің 2017 жылғы 26 маусымдағы № 384 бұйрығына өзгерістер мен толықтырулар енгізу туралы» бұйрық жобасы (бұдан әрі – бұйрық жобасы) әзірленді.
Бұйрық жобасы 2021 жылғы «5» қыркүйекте «e-gov» ашық нормативтік құқықтық актiлердің интернет-порталында орналастырылған (https://legalacts.egov.kz/arm/admin/viewcard?id=11953641).