«ҚАЗАҚСТАН РЕСПУБЛИКАСЫНДА АВТОМОБИЛЬМЕН ТАСЫМАЛДАУДЫҢ РҰҚСАТ БЕРУ ЖҮЙЕСІН ХАЛЫҚАРАЛЫҚ ҚАТЫНАСТА ҚОЛДАНУ ҚАҒИДАЛАРЫН БЕКІТУ ТУРАЛЫ» ҚАЗАҚСТАН РЕСПУБЛИКАСЫ ИНВЕСТИЦИЯЛАР ЖӘНЕ ДАМУ МИНИСТРІНІҢ МІНДЕТІН АТҚАРУШЫНЫҢ 2015 ЖЫЛҒЫ 27 НАУРЫЗДАҒЫ № 353 БҰЙРЫҒЫНА ӨЗГЕРІСТЕР ЕНГІЗУ ТУРАЛЫ» ҚАЗАҚСТАН РЕСПУБЛИКАСЫ ИНДУСТРИЯ ЖӘНЕ ИНФРАҚҰРЫЛЫМДЫҚ ДАМУ МИНИСТРІНІҢ БҰЙРЫҚ ЖОБАСЫНА
БАСПАСӨЗ РЕЛИЗІ
«Автомобиль көлігі туралы» Қазақстан Республикасының 2003 жылғы 4 шілдедегі №476 Заңының 13-бабының 23-1 тармағына сәйкес «Қазақстан Республикасында автомобиль тасымалдарының рұқсат беру жүйесін халықаралық қатынаста қолдану қағидаларын бекіту туралы «Қазақстан Республикасы Инвестициялар мен даму министрінің міндетін атқарушының 2015 жылғы 27 наурыздағы №353 бұйрығына өзгерістер енгізу туралы» Қазақстан Республикасы Индустрия және инфрақұрылымдық даму министрі бұйрығының жобасы әзірленді.
Бұйрық жобасымен жылдық өтінімдерді қалыптастыру рәсімін автоматтандыруға байланысты тасымалдаушылардың шетелдік рұқсаттарға жылдық өтінімдерді жіберуі жөніндегі талаптар алып тасталады, сондай-ақ шетелдік рұқсаттарды қайтару мерзімдерін 70 күнге дейін (50 күн болды) ұлғайту, рұқсатты үшінші тұлғаларға беру кезінде шетелдік рұқсатты беруге шектеу мерзімін 6 айдан 3 айға дейін қысқарту бөлігінде тасымалдаушылар үшін талаптарды жеңілдетуге бағытталған түзетулер және отандық нарықты қорғауға және редакцияны нақтылауға бағытталған басқа да түзетулер көзделген.
Бұйрық 2021 жылғы «07» қыркүйекте «e-gov» ашық нормативтік құқықтық актілердің интернет-порталында орналастырылған (https://legalacts.egov.kz/npa/view?id=11324698).