ҚР ИИДМ сыбайлас жемқорлық тәуекелдерін қысқарту бойынша жұмысты күшейтуде БАСПАСӨЗ РЕЛИЗІ
Қазақстан Республикасының Индустрия және инфрақұрылымдық даму министрлігімен 2020 жылғы 4 ақпанда «Қазақстан Республикасы Индустрия және инфрақұрылымдық даму министрлігінің арнайы көлік құралдарының тиесілік заттай нормаларын бекіту туралы» Қазақстан Республикасы Инвестициялар және даму министрінің 2015 жылғы 16 сәуірдегі № 451 бұйрығына өзгеріс енгізу туралы № 43 бұйрық бекітілді.
Бұйрық көліктік бақылау бекеттеріндегі қызметкерлердің жұмысына мониторингіні және автокөлік құралдарының жүріп өту қарқындылығына талдау жүргізу үшін Көліктік бақылау инспекциялардан Көлік комитетіне
1 (бір) арнайы көлікті қайта бөлуді көздейді.
Осы мақсатта Көлік комитетімен аумақтарға шығуды жүзеге асыру үшін Көлік комитетінің қызметкерлері санынан мобильдік топ құрылды.
2020 жылы барлық аумақтарға шығу нәтижесінде 90 лауазымды тұлғалар тәртіптік жауапкершілікке тартылды, жүктерді және жолаушыларды тасымалдау кезінде мыңнан астам бұзушылықтар анықталды, жүктерді тасымалдаудың негізгі дәліздері анықталды және олар бойынша бекеттердің маршруттары оңтайландырылды.
Көлік заңнамасын бұзуды анықтаған жағдайда Көлік комитетінің Ахуалдық орталығына 8-7172-98-35-35 сенім телефонына және What’s App мессенджері (+7708-088-0800) арқылы тәулік бойынша хабарласуға мүмкіндік бар.