Менің әкем Аблалиев Әйтен 1919 жылы Гурьев облысының Қызылқоға ауданында дүниеге келген болатын. Кеңес Армиясының қатарына ол 1939 жылы шақыртылады. Жеңісті әкем Германияда қарсы алыпты. Ол сондай-ақ, соғыстан кейінгі қалпына келтіру жұмыстарына да ат салысқан екен. Елге әкем 1946 жылы оралады. Қантөгіс ұрыстарда көрсеткен ерлігі мен батылдығы үшін сарбаз Аблалиев КСРО Жоғарғы Кеңесі Президиумының Жарлығымен ІІ дәрежелі Ұлы Отан соғысы орденімен, Кеңес Одағының маршалы Жуков медалімен марапатталған. Соғыстан кейінгі жылдары ол еліміздің батысында мұнай саласында еңбек етті. Жұбайы Күлсінмен 11 баланы тәрбиелеген.
Автор: Сатжан Аблалиев – ҚР ИИДМ Автомобиль жолдары комитеті төрағасының орынбасары.