Катчибаев Мүбарак Қасенұлы 1914 жылы 1 қаңтарда Шығыс Қазақстан облысы Катонқарағай ауданы Топқайың ауылында дүниеге келген. 1930-шы жылдардың басында «бай-жартылай феодалдардың» малын және меншігін тәркілеу кезені басталған кезде, «Малый Октябрь» саясатын іске асыру басталған кезде оның әкесі басқа округке жіберілді. Сондықтан менің атам, оның анасы мен бауырлары Алтай өлкесінің Ойратауданына қоныс аударуға мәжбүр болды. Атам отбасындағы ең үлкені болды және анасына көмектесу үшін, ол колхозға мал бағушы болып орналасты. 5 жылдан кейін колхоз директорының жолдамасын алып, атам Кемеровск қаласына оқуға барды. Зоотехникалық училищеге түсіп, 1937-1939 жылдары оқыды. Ауылға оралғаннан кейін зоотехник-бригадир болып жұмыс істеді.
Соғыстың басталуы туралы хабар оның үйіне де жетті. Бесінші күні ол артиллерист болып қызмет өткен Оңтүстік-Шығыс майданына шақырылды.
1941 жылы аяғынан ауыр жарақат алды. Емделуден кейін атам әскер қатарына қайта жіберді, ол Белоруссияны азат ету үшін шайқастарға қатысты. 1942 жылдың тамызында «Ерлігі үшін» медалін алды. 38 атқыштар дивизиясының құрамында Сталинградты қорғау үшін дешайқастарға қатысты.
1943 жылдың қаңтарында Дон майданының әскерлері Сталинград түбінде қоршалған неміс-фашистік әскер тобын жоюға кірісті. Дон майданының құрамында әрекет ете отырып, 38 атқыштар дивизиясы осы операцияға да қатысты.
Отан оған Киев пен Праганы азат еткені үшін де орден берді. Атам барлық соғысты өтті. Ауыр жараланған ол майданға қайтып оралуға және Ұлы Жеңіске жетуге күш тапты. Соғыстан кейінгі уақытта қол жеткізген жетістіктері үшін Еңбек Қызыл Туы орденімен, 1 және 2 дәрежелі «Отан алдындағы сіңірген еңбегі үшін», «Еңбек озаты үшін», «Ерен еңбегі үшін» медалімен және басқа да медальдармен марапатталған.
Соғыстан кейін атам Алтай өлкесіне, үйіне, отбасына оралды. Ол 1946 жылы үйленіп, 1956 жылы өз Отанына, қазіргі Еңбек ауылына көшіп келді (Катонқарағай ауданы, ШҚО). Оның бес баласы, көп немерелері мен шөберелері бар. 2001 жылы әжем қайтыс болғаннан кейін, атам бізбен Алтай қаласында тұрды (ШҚО, бұрынғы Зырян қаласы). Атам 2011 жылы өмірден озды.
Автор: Ермеккызы Назгуль ҚР ИИДМ Цифрлық трансформация департаментінің Салаларды цифрландыру басқармасының бас сарапшысы