Манжуев Қабдеш Торсықбайұлы

Менің атам Манжуев Қабдеш Торсықбайұлы 1924 жылы 9 тамызда Шығыс Қазақстан облысына қарасты Марқакөл ауданының Алексеевка кентінде дүниеге келді. 1942 жылдың тамызында ол әскер қатарына шақырылып, Ферғанадағы әскери училищеде дайындықтан өтеді. Осылайша атам майдан алаңында жауға қарсы алғаш рет Сталинград түбінде шайқасқан екен. Соғыс жылдарында ол Днепропетровск пен Мелитополь түбіндегі ұрыстарға қатысқан болатын. 1944 жылы сұрапыл ұрыстардың бірінде екінші рет ауыр жарақат алуына байланысты соғыс Қабдеш Торсықбайұлы үшін Баку қаласындағы госпитальде аяқталды. Қажетті емін алған соң атам елге, өз үйіне оралады. Жанұямыздың бас азаматы өмірден 1989 жылдың 16 маусымында өтсе де, оның ерлігі біздің жадымызда мәңгі сақталады. Мен оны мақтан тұтамын.
Бибігүл Қабдешева – ИИДМ Автомобиль жолдары комитетінің бас маманы