«Арнайы автоматтандырылған өлшеу құралдарын пайдалану қағидаларын бекіту туралы» Қазақстан Республикасы Көлік және коммуникация министрінің міндетін атқарушы 2013 жылғы
5 қыркүйектегі № 689 бұйрығына өзгерістер енгізу туралы
БҰЙЫРАМЫН:
көрсетілген бұйрықпен бекітілген Арнайы автоматтандырылған өлшеу құралдарын пайдалану қағидаларына:
1-тармақ мынадай редакцияда жазылсын:
«1. Осы Арнайы автоматтандырылған өлшеу құралдарын пайдалану қағидалары (бұдан әрі – Қағидалар) «Автомобиль көлігі туралы» Қазақстан Республикасы Заңының 13-бабының 13-1) тармақшасына сәйкес әзірленді.»;
4-тармақтың 4) және 5) тармақшалары алып тасталсын;
6-1-тармақ мынадай редакцияда жазылсын:
«6-1. Автокөлік құралдарының салмақтық параметрлерін айқындаған кезде көліктік дерекқор мен тасымалдау қауіпсіздігі динамикасының мониторингі ақпараттық талдау жүйесі (бұдан әрі – КДҚ АТЖ) автокөлік құралы салмағының өлшенген мәнінен автоматты түрде шегеретін жол төсемінің класына қарай өлшеу ауытқуы ескеріледі.
Өлшеу ауытқуы жол төсемінің I класы болған кезде: автокөлік құралдарының жалпы салмағынан – 4%, автокөлік құралдарының дара білікке түскен жүктемесінен – 7%, автокөлік құралдарының біліктер тобына түскен жүктемесінен – 6%, автокөлік құралдарының біліктер тобындағы білікке түскен жүктемесінен – 9% құрайды.
Өлшеу ауытқуы жол төсемінің II класы болған кезде: автокөлік құралдарының жалпы салмағынан – 9%, автокөлік құралдарының дара білікке түскен жүктемесінен – 14%, автокөлік құралдарының біліктер тобына түскен жүктемесінен – 12%, автокөлік құралдарының біліктер тобындағы білікке түскен жүктемесінен – 19% құрайды.
Өлшеу ауытқуы жол төсемінің III класы болған кезде: автокөлік құралдарының жалпы салмағынан – 14%, автокөлік құралдарының дара білікке түскен жүктемесінен – 19%, автокөлік құралдарының біліктер тобына түскен жүктемесінен – 17%, автокөлік құралдарының біліктер тобындағы білікке түскен жүктемесінен – 24% құрайды.»;
8-тармақтың 6) тармақшасы мынадай редакцияда жазылсын:
«6) деректерді Қазақстан Республикасы Индустрия және инфрақұрылымдық даму министрлігі Көлік комитетінің Ахуалдық орталықтың (бұдан әрі – Ахуалдық орталық) КДҚ АТЖ-ге жіберу;»;
9-тармақтың 6) тармақшасы мынадай редакцияда жазылсын:
«6) алыстан бақылаудың барлық функциялары Ахуалдық орталыққа арнайы автоматтандырылған өлшеу құралының байланыс арналары арқылы түседі.».
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрықты Қазақстан Республикасы Индустрия және инфрақұрылымдық даму министрлігінің интернет-ресурсында орналастыруды қамтамасыз етсін.
|
Лауазымы |
|
Аты-жөні |