Қытай әскери қызметшілері ҚР Ұлттық қорғаныс университетінде болды

Астанаға Қытай Халық Республикасы Орталық әскери кеңесінің саяси жұмысты насихаттау бас басқармасы бастығының орынбасары Би Бинь бастаған делегация келді.  

ҚР Ұлттық қорғаныс университетінде Қытай ұлт-азаттық армиясының өкілдері ҚХР әскери өнер аудиториясын аралады. 

Шетелдік әріптестермен Қазақстан Республикасы Ұлттық қорғаныс университеті бастығының орынбасары генерал-майор Самат Төлепбаев кездесті.

Қабылдаушы тарап қонақтарды Қазақстанның әскери білім беру жүйесімен, ҚР Ұлттық қорғаныс университетінің материалдық-техникалық базасымен және оның оқу бағдарламаларымен таныстырды. 

Сапар барысында жан-жақты қамтамасыз ету факультеті профессорлық-оқытушылар құрамының, Әскери ғылыми-зерттеу орталығы ғылыми қызметкерлерінің және ҚХР әскери қызметшілерінің қатысуымен дөңгелек үстел отырысы өтті.