Қарулы Күштерде қызметтік жануарларды ұстау және пайдалану ережесі нақтыланды

Қорғаныс министрлігі «Қазақстан Республикасы Қарулы Күштерінің әскери мүлкін (қызметтік жануарларды) пайдалануды ұйымдастыру жөніндегі нұсқаулықты бекіту туралы» бұйрық жобасын әзірледі.

Жаңа редакцияда Қазақстан Қарулы Күштерінде қызметтік жылқыларды ұстау және пайдалану ережесі нақтыланды. Атап айтқанда, жылқыларды ұстау, бөлімшелерді жылқылармен жабдықтау, сондай-ақ жарамсыз деп тану тәртібі реттелген.

Бұйрық жобасының толық мәтінімен ашық нормативтік құқықтық актілердің https://legalacts.egov.kz. интернет-порталында танысуға болады.