Десантшылар мен ауыл тұрғындары Батыс Қазақстан облысындағы Рубежинскийді қорғауда

 Бәйтерек ауданы Рубежинский ауылында адамдар көп. Ерлер, әйелдер мен жасөспірімдер Қарулы күштердің 37-ші десанттық-шабуылдау бригадасының әскери қызметшілерімен бірге ауылдың айналасында қолдан көтеріп, тосқауылдар тұрғызуда.

Ауылдың түпкілікті тұрғыны Ирина Адаменко әскерилер ең қауіпті аймақта – су бірінші келетін ойпатта қоршау жүргізіп жатқанын айтты. 

– Рубежинсийдің айналасы толық қорғалуы керек. Енді жағалау аймағының шамамен 3-4 шақырымын бекітті деп айтуға болады. Десантшылар, біздің әйелдер мен жасөспірімдер – бәрі жарады. Қарғын суға бірге қарсы тұрды. Бізді осындай қиын жағдайда қалдырмағаны үшін әскерилерге алғысымыз шексіз, – деп қосты Ирина Адаменко. 

37-ші десанттық-шабуылдау бригадасының команда басшысы 3-сыныпты сержант Амангелді Базарбаев үш күн ішінде жалпы күш-жігермен ұзындығы үш шақырымнан асатын бөгет салынғанын айтты. Оның биіктігі төрт метрден асады. Рубежинскийдің тұрғындары бұл бөгет елді мекенді келген судан қорғай алады деп сенеді.

Десанттық-шабуылдау әскерлерінің әскери қызметшілері одан бөлек Батыс Қазақстан облысының Бәйтерек, Теректі, Ақжайық және Чапаев аудандарының басқа елді мекендерінде жағалауды күшейту жұмыстарын орындап жүр.