Армия спортшысы Ангелина Лукас бокстан әлем чемпионы атағын жеңіп алды

Әзербайжанның астанасы Бакуде кәсіби бокс кеші өтіп, онда ҚР Қарулы күштерінің қызметкері Ангелина Лукас жеңіске жетті. 

Жеңіл салмақтағы титулдық жекпе-жекте Ангелина Лукас пәкістандық Рома Юсафты мерзімінен бұрын жеңіп, бос тұрған WIBA белбеуін жеңіп алды. Сегіз раундтық жекпе-жек осылайша Лукастың жеңісімен бірінші раундта-ақ аяқталды.

Нәтижесінде Ангелина Лукас кәсіби рингте алтыншы мәрте жеңіске жетті. Ал Рома Юсуф өзінің мансаптық жолында алғаш рет жеңілді. 

– Қазақстан! Сіздер қазір жаңалық пен видео күтіп, ояу отырғандарыңызды білемін! Сіздерді қатты жақсы көремін және қуанышты жаңалығыммен бөліскім келеді. Мен бүгін ұттым! Мен екінші рет әлем чемпионы атағын алдым. Ендігі мақсатым – абсолютті чемпион болу! Алға Қазақстан! – деп жазды Ангелина Лукас Instagram-да.

Бұған дейін спортшы А. Лукас WBC International және UBO чемпиондық белдіктерін жеңіп алған болатын.