Әскери қызметшілердің сыныптық біліктіліктерін анықтау ережесіне өзгерістер енгізілді

«Қазақстан Республикасының Қарулы Күштерінің сыныптық біліктілігін айқындау қағидаларын бекіту туралы» Қазақстан Республикасы Қорғаныс министрінің 2018 жылғы 2 шілдедегі № 442 бұйрығына өзгерістер енгізу туралы» Қорғаныс министрі бұйрығының жобасы әзірленді.

Жаңа редакцияда мынадай негізгі өзгерістер мен толықтырулар қамтылады:

- авиатехникаға қызмет көрсету жөніндегі жердегі авиациялық мамандар лауазымдарында келісімшарт бойынша әскери қызмет өткеретін әскери қызметшілерге сыныптық біліктілікті беру кезінде жалпы талаптар қойылады;

- сынып біліктіліктері арасында біліктілік беру мерзімдері ұлғайтылды;

- әскери қызметтің ерекшеліктерін ескере отырып, әскери қызметшілердің, сондай-ақ дене шынықтыру тобына енгізілген әскери қызметшілердің сыныптық біліктілігін айқындау тәртібі нақтыланды;

- әскери қызмет міндеттерін орындаудан ішінара босатуға мұқтаж әскери қызметші-әйелдердің сыныптық біліктілігін айқындау жөніндегі талаптар қосымша енгізілді;

- сыныптық біліктілікті растау тәртібі өзгертілді;

- әскери қызметті аяқтағанға дейін «1 – сыныпты маман-тәлімгер (шебер)» сыныптық біліктілігі сақталатын әскери қызметшілер санатына қойылатын талаптар одан әрі растаусыз өзгертілді;

- оқу бағдарламаларына сәйкес әскери қызметшілердің сыныптық біліктілігін анықтау үшін қорытынды тексеруге шығарылатын оқу пәндері нақтыланды;

Сынып біліктілігі бойынша есеп беру материалдарын біркелкілікке келтіру мақсатында жобаға қосымшалардың үлгілері енгізілді.