Қорғаныс министрлігі туралы ережеге өзгерістер енгізілуде

Қорғаныс ведомствосы «Қазақстан Республикасының Қорғаныс министрлігі туралы ережені бекіту және Қазақстан Республикасы Үкіметінің кейбір шешімдерінің күші жойылды деп тану туралы» ҚР Үкіметінің 2022 жылғы 2 маусымдағы № 357 қаулысының жобасына өзгерістер дайындады.

Қорғаныс министрлігі туралы ереже Үкіметтің қаулысымен бекітіледі. Бұл өзгерістер құқықтық олқылықтарды жою және рәсімдерді бюрократизациядан арылту мақсатында енгізіледі. 

Нормативтік құқықтық актіні іске асыру теріс әлеуметтік-экономикалық, саяси-құқықтық, экологиялық зардаптарға әкеп соқпайды және қосымша қаржы қаражатын талап етпейді.

Қаулы жобасының толық мәтінімен «Электрондық үкімет» порталында «Ашық НҚА» бөлімінде ағымдағы жылдың 26 қазанына дейін мына https://legalacts.egov.kz/npa/view?id=14747201 сілтеме арқылы танысуға болады.