Қорғаныс министрлігі мұрағатының анықтамаларына апостиль қою жөніндегі ережеге толықтыру енгізіледі

Қорғаныс ведомствосы «Қазақстан Республикасы Қорғаныс министрлігінің Орталық мұрағатынан шығатын мұрағаттық анықтамалар мен мұрағаттық құжаттардың көшірмелеріне апостиль қою» мемлекеттік қызмет көрсету қағидаларын бекіту туралы» Қорғаныс министрінің 2020 жылғы 19 маусымдағы № 281 бұйрығына толықтыру енгізеді.

Бұйрыққа толықтыру «Азаматтарға арналған үкімет» мемлекеттік корпорациясы» КЕАҚ жүгінген кезде мемлекеттік қызметтер көрсету сапасын арттыру жөніндегі ведомствоаралық жол картасының 2-тармағының негізінде енгізіледі.

Осыған байланысты мұрағаттық анықтамаларға және Орталық мұрағат мұрағаттық құжаттарының көшірмелеріне апостиль қою бойынша мемлекеттік қызмет көрсетуге қойылатын негізгі талаптар тізбесінің 3-тармағында құжаттар топтамасын тапсыру және қызмет көрсету үшін күтудің рұқсат етілген ең ұзақ уақыты – он бес минут деп белгіленеді.

Бұйрық жобасының толық мәтінімен «Электрондық үкімет» порталында «Ашық НҚА» бөлімінде ағымдағы жылдың 14 сәуіріне дейін мына сілтеме бойынша танысуға болады: https://legalacts.egov.kz/npa/view?id=14472129