Қорғаныс министрі Әзербайжанның әскери жоғары оқу орындарының өкілдерімен кездесті

Жұмыс сапары аясында Әзербайжан армиясының делегациясы Қазақстанның Қорғаныс министрлігінде болды.

Кездесуге еліміздің қорғаныс ведомствосының Халықаралық ынтымақтастық, Әскери білім және ғылым департаменттерінің басшылары қатысты.

Пікір алмасу барысында Қорғаныс министрі генерал-полковник Руслан Жақсылықов әскери білім мен ғылым саласындағы Қазақстан-Әзербайжан ынтымақтастығын нығайту мәселелеріне тоқталып, осы бағыттың перспективаларын атап өтті.