Қорғаныс министрінің кейбір бұйрықтарына өзгерістер енгізілуде

Қорғаныс ведомствосы "Қазақстан Республикасының Қарулы Күштерінде әскери қызмет өткеру қағидаларын қолдану жөніндегі нұсқаулықты бекіту және Қазақстан Республикасы Қорғаныс министрінің кейбір бұйрықтарына өзгерістер мен толықтырулар енгізу туралы" бұйрықтың жобасын дайындады.

Нормативтік құқықтық акт Президенттің 2006 жылғы 25 мамырдағы Жарлығымен бекітілген Қазақстан Республикасының Қарулы Күштерінде, басқа да әскерлері мен әскери құралымдарында әскери қызмет өткеру қағидаларының 4-тармағына сәйкес әзірленді.

Ол ҚР Қарулы Күштеріне келісімшарт бойынша әскери қызметке кіру, әскери бөлімдер мен мекемелердің іріктеу комиссияларын құру және олардың жұмысын ұйымдастыру, әскери лауазымдарға тағайындау, келісімшарттар жасасу, ротациялау, әскери атақтар беру және олардан айыру үшін азаматтар арасынан кандидаттардың өтініштері мен құжаттарын қарау қағидаларын қолдануды егжей-тегжейлі баяндайды.

Сондай-ақ, құжатта әскери қызметке кірген құқық қорғау және арнаулы мемлекеттік органдардың қызметкерлерін қайта аттестаттау, аттестаттауды өткізу, президенттік резервтен қабылдау және шығару тәртібі реттеледі.

Бюрократизациялау, кадрлық шешімдер қабылдау саласына ашықтық беру және сыбайлас жемқорлық тәуекелдерін болдырмау мақсатында нормативтік құқықтық актімен уәкілетті лауазымды тұлғалардың шешімдерді қарауының, келісуінің, қабылдануының және ҚР Қарулы Күштері кадр органдарының бұйрықтар шығаруының уақытша мерзімдері белгіленеді.

Бұйрық жобасының толық мәтінімен "Электрондық үкімет" порталында "Ашық НҚА" бөлімінде ағымдағы жылдың 12 желтоқсанына дейін мына сілтеме бойынша танысуға болады: https://legalacts.egov.kz/npa/view?id=14314457