Әскери қызметшілерге ақшалай үлес пен жәрдемақы төлеу ережелеріне өзгерістер енгізіледі

Қорғаныс министрлігі «Қазақстан Республикасы Қарулы күштерінің әскери қызметшілеріне ақшалай үлесті, жәрдемақылар мен басқа да төлемдерді төлеу қағидаларын бекіту туралы» Қазақстан Республикасы Қорғаныс министрінің 2017 жылғы 2 маусымдағы № 255 бұйрығына өзгерістер енгізу туралы» бұйрықтың жобасын әзірледі.

Бұл жоба арқылы ұшу әскери-есептік мамандығына, жердегі авиациялық мамандарға сәйкес келетін лауазымдарда қызмет ететін әскери қызметшілерге ерекше жағдайдағы жұмысы үшін үстемеақылар төлеу тәртібі, сондай-ақ көтерме жәрдемақы төлеу тәртібі айқындалады. Одан бөлек құжатқа бірқатар редакциялық түзетулер де енгізіледі.

Бұйрық жобасының толық мәтінімен ашық нормативтік құқықтық актілердің интернет-порталында мына сілтеме бойынша танысуға болады: https://legalacts.egov.kz/npa/view?id=14029684.