Еліміздегі әскери жоғары оқу орындарының өзара қарым-қатынасы кеңею үстінде

Алматы қаласында Қорғаныс министрлігінің Радиоэлектроника және байланыс әскери-инженерлік институты мен Қазақстан Республикасы Ұлттық ұланы академиясы арасында өзара ынтымақтастық туралы Меморандум бекітілді.

Осы құжатқа әскери жоғары оқу орындарының бастықтары, генерал-майорлар Асқар Мұстабеков пен Бауыржан Әбжанов қол қойды.

Меморандум оқу үдерісі мен ғылыми қызметті ұйымдастыруға, бірлескен конференциялар, дәрістер мен семинарлар өткізу ауқымында тәжірибе алмасуға негіз болады. 

Ынтымақтастық сондай-ақ оқытушылар құрамының курстық даярлығы және курсанттардың тағылымдамасы барысында өзара іс-қимылды көздейді.

Бұған дейін Құрлық әскерлерінің әскери институты Ұлттық ұлан академиясымен осындай меморандумға қол қойған болатын.