Қазақстанда ТМД елдері әскери оқу орындары ассоциациясының отырысы өтті

Ассоциация қазақстандық бастама негізінде құрылды. Оның құрылуы әскери білім саласындағы ынтымақтастықты дамытуға, әскери ғылыми-педагогикалық кадрларды дайындау, оларды кәсіби қайта дайындау және біліктіліктерін жоғарлату мәселелері бойынша жоғары әскери оқу орындарымыздың өзара іс-қимылын үйлестіруге мүмкіндік туғызды.   Отырыс жұмысына ТМД ҚМК жанындағы әскери білім беру мәселелері жөніндегі үйлестіру комитетінің төрағасы, РФ ҚМ Кадрлар бас басқармасының бастығы, ТМД-ға қатысушы мемлекеттер ҚМК хатшысы және ТМД-ға мүше мемлекеттері (Ресей Федерациясы, Армения Республикасы, Қырғыз Республикасы, Беларусь Республикасы, Тәжікстан Республикасы) ҚМ 16 жоғары әскери оқу орнының бірінші басшылары қатысты. Ассоциация ұсынымдар үлгісінде шешім қабылдайды. Оның іске асырылуы ТМД-ға қатысушы мемлекеттердің ұлттық заңнамасымен айқындалады. Қызметтің мақсаты жоғары және орта кәсіптік білімі бар әскери кадрларды, ғылыми және ғылыми-педагогикалық кадрларды дайындау мәселелері бойынша мемлекеттердің жоғары әскери оқу орындарының өзара іс-қимылын үйлестіру, кәсіби қайта даярлауды жүзеге асыру және мамандар мен ұйымдардың біліктіліктерін арттыру және әскери білім беру саласында ғылыми зерттеулер жүргізу және ынтымақтастықты дамыту  болып табылады. Отырыс қорытындысы бойынша Нұр-Сұлтанда Ассоциация төрағасы мен хатшысы сайланды. Қатысушылар 2023 жылға дейін жұмыс жоспарын әзірлеу бойынша шешім қабылдады, сондай-ақ өзге де ұйымдастыру мәселелері қарастырылды.