Қазақстан Қарулы Күштерінің ардагерлері жас ұрпаққа өздерінің әскери қызметі туралы айтып берді

Күнтізбеде белгіленген мерекелік күндер арасында бір ерекше мейрам – 7 мамыр – Отан қорғаушы күні бар. Атауының өзінде игі іс және Отаны мен өз халқын қорғау міндеті қаланған. Бұл погон тағып жүрген, кезінде таққан немесе болашақта тағатындардың, Отанын қорғаған және қорғап жүрген жандардың мерекесі. Іс-шараға ҚР ҚК ардагерлері генерал-майор М. Нағұманов, запастағы полковниктер Б.Назыров пен А.Айтбаев қатысты. Кездесу барысында ардагерлер Ұлы Отан соғысы кезіндегі кеңес жауынгерлерінің батыл ерліктерін, Қазақстан армиясының қалыптасуындағы армия генералы Сағадат Нұрмағамбетовтің ерен еңбектерін, әртүрлі соғыстардағы жастардың ерліктерін, қазіргі заманғы Қазақстан армиясы әскери қызметшілерінің қайсарлықтары мен борыштары туралы айтып берді.   Шара Ұлттық әскери-патриоттық орталықтың солистері дайындаған мерекелік концертпен аяқталды.   Ерлік сабағы өскелең ұрпақтың белсенді азаматтық ұстанымын, Отан тарихындағы ерлік парақшаларына, жақсы адами қасиеттерге құрмет көрсетуді қалыптастырудағы маңызды тәрбие процесі екенін айта кету қажет.  Отанын қорғап жүрген қорғаушылармен таныса отырып, оқушылар мықты патриоттық серпіліс және өмір мен заманауи жағдайда қандай болу қажет деген сауалға қатысты көрнекі үлгі алады.