Қазақстанда «Айбын» әскери-патриоттық жастар жиынына қатысу үшін кандидаттарды іріктеу жалғасуда

Оңтүстік астананың 150-ге жуық бозбаласы мен бойжеткені болашақта өз клубын республикалық әскери-патриоттық жиында намысын қорғау үшін мықты болу үшін бақ сынасты. Қатысушылар әскери-қолданбалы спорт түрлері, әскерилендірілген эстафета, зияткерлік ойын, робот техника бойынша байқау, сондай-ақ әскери-далалық тактикалық ойыннан тартысқа түсті. Сайыс қорытындысы бойынша №78 мектеп командасы бірінші орынды, №132  мектептің құрама командасы екінші орынды еншіледі және №138 бен №28 мектептерінің қатысушылары жүлдегерлер үштігіне кірді. Жыл сайынғы әскери-патриоттық жастар жиынының негізгі мақсаттары әскери қызметті насихаттау,  ҚР Қарулы Күштерінің имиджін арттыру болып табылатынын айта кетейік. Қарағанды облысының «Спасск» оқу-жаттығу орталығының базасында өтетін «Айбын» төртінші республикалық әскери-патриоттық жастар жиыны барысында Қазақстанның түкпір-түкпірінен келген жасөспірімдер мен қыздар бірегей әскери дайындық мектебінен өтеді, Қазақстан армиясының заманауи техникасы мен қару-жарағын көреді, өздерінің күштері мен мүмкіндіктерін сынайды, сондай-ақ жаңа достар мен пікірлестерді табады.