АОСК-ның ауыр атлетшісі Рүстем Сыбай жазғы Универсиаданың күміс жүлдегері атанды

94 келіге дейінгі салмақ дәрежесінде қазақстандық ауыр атлетші Рүстем Сыбай ресейлік Егор Климоновтан ғана жеңіліс тауып, екінші орынды иеленді. Ойын жеңімпазы Егор Климонов екісайыс нәтижесі бойынша 383 келі нәтижесін көрсетті (168 – «жұлқи көтеруде» және 215 – «оқыс серпуде»). Рүстем Сыбай «жұлқи көтеруде» ресейліктен басып озып, 382 келі жинап, одан екісайыстың қорытындысы (170+212) бойынша жеңіліп қалды. Үшінші орынды 381 келі нәтижесімен (167+214) Таиланд өкілі Сарат Сумпрадит еншіледі.