Қарулы Күштерден жұмыстан шығарылғандарды әлеуметтік бейімдеу қағидаларына өзгерістер енгізілді

«Қазақстан Республикасының Қарулы Күштерінен босатылатын адамдарды әлеуметтік бейімдеуді ұйымдастыру жөніндегі қағидаларды бекіту туралы» Қазақстан Республикасы Қорғаныс министрінің 2019 жылғы 26 сәуірдегі № 287 бұйрығына өзгерістер енгізілді.

Қазақстан Республикасының Қарулы Күштерінен босатылатын адамдарды әлеуметтік бейімдеуді ұйымдастыру жөніндегі қағидалардан 9-тармақ алып тасталды. Ал, 10-тармақ мынадай редакцияда жазылған: «әлеуметтік бейімдеуге жататын адамды әскери басқарманың кадр органдары әлеуметтік бейімдеуді қамтамасыз ету құқығы туралы, оның ішінде әскери қызмет өткеру кезеңінде азаматтық мамандық алу мақсатында босатылғанға дейін 4 ай бұрын жазбаша хабардар етеді».

Өзгерістер 16 тармаққа да қатысты болды. Жаңа редакцияда: «комиссия тоқсанына бір рет әлеуметтік бейімделуге жататын адамдармен әлеуметтік қамсыздандыру, оның ішінде психологиялық қолдау және медициналық сүйемелдеу мәселелері бойынша консультациялар өткізеді» делінген.