Қарулы Күштерді әскери-медициналық қамтамасыз ету нормалары әзірленді

 «Халық денсаулығы және денсаулық сақтау жүйесі туралы» Қазақстан Республикасының 2020 жылғы 7 шілдедегі Кодексінің 11-бабы 1-тармағының 4) тармақшасына сәйкес Қорғаныс министрлігі «Қазақстан Республикасының Қарулы Күштерінде әскери-медициналық (медициналық) қамтамасыз ету қағидаларын бекіту туралы» бұйрықтың жобасын әзірледі.

Бұйрық жобасын қабылдау ҚР Қарулы Күштерін әскери-медициналық (медициналық) қамтамасыз ету тәртібін белгілеуге мүмкіндік береді. Атап айтқанда, тәртіпті реттеу:

- Қарулы Күштерде әскери-медициналық (медициналық) қамтамасыз ету ұйымдары;

-  әскерлердің оқу-жауынгерлік даярлығын медициналық қамтамасыз ету;

- әскери-медициналық (медициналық) бөлімшелерде әскери-медициналық (медициналық) көмек көрсету ;

- әскерлердің санитарлық-эпидемиологиялық салауаттылығын қамтамасыз ету;

- дәрілік заттармен және медициналық мақсаттағы бұйымдармен жабдықтау;

- Денсаулық сақтау саласындағы сараптаманы жүзеге асыру;

- әскери медицина бойынша ғылыми-әдістемелік әзірлемелер мен оқытуды ұйымдастыру.

Бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Толық мәтінмен ашық нормативтік құқықтық актілердің https://legalacts.egov.kz. интернет-порталында танысуға болады.