«Қазақстан Республикасының Қарулы Күштерін жиһазбен және казармалық мүкәммалмен жабдықтау нормаларын бекіту туралы» Қазақстан Республикасы Қорғаныс министрінің 2019 жылғы 25 қазандағы № 855 бұйрығына өзгерістер енгізу туралы» 2025 жылы 12 мамыр № 545 Қазақстан Республикасы Қорғаныс министрінің бұйрығы

БҰЙЫРАМЫН:

  1. «Қазақстан Республикасының Қарулы Күштерін жиһазбен және казармалық мүкәммалмен жабдықтау нормаларын бекіту туралы» Қазақстан Республикасы Қорғаныс министрінің 2019 жылғы 25 қазандағы № 855 бұйрығына (Нормативтік құқықтық актілерді мемлекеттік тіркеу тізілімінде № 19533 болып тіркелген) мынадай өзгерістер енгізілсін:

көрсетілген бұйрықпен бекітілген Қазақстан Республикасының Қарулы Күштерін жиһазбен және казармалық мүкәммалмен жабдықтау нормаларында:

1-тараудың 12-параграфының жолы мынадай редакцияда жазылсын:

«Келісімшарт бойынша әскери қызмет өткеретін, резервте әскери қызмет өткеретін әскери қызметшілер, әскери оқу орнының 3 және келесі курс курсанттары, әскери қызметші әйелдер, әскери оқу орнының тәрбиеленушілері үшін».

  1. Қазақстан Республикасы Қарулы Күштерінің Әскери инфрақұрылым бас басқармасы Қазақстан Республикасының заңнамасында белгіленген тәртіппен:

1) осы бұйрықты Қазақстан Республикасы Әділет министрінің 2023 жылғы 11 шілдедегі № 472 бұйрығымен бекітілген Қазақстан Республикасы нормативтік құқықтық актілерінің мемлекеттік тізілімін, Қазақстан Республикасы нормативтік құқықтық актілерінің эталондық бақылау банкін жүргізу қағидалары 10-тармағының талаптарына сәйкес (Нормативтік құқықтық актілерді мемлекеттік тіркеу тізілімінде № 33059 болып тіркелген) қол қойылған күнінен бастап бес жұмыс күні ішінде электрондық түрде қазақ және орыс тілдерінде Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнына жіберуді;

2) осы бұйрықты алғашқы ресми жарияланғанынан кейін Қазақстан Республикасы Қорғаныс министрлігінің интернет-ресурсына орналастыруды;

3) осы бұйрық алғашқы ресми жарияланған күнінен кейін күнтізбелік он күн ішінде осы тармақтың 1) және 2) тармақшаларының орындалуы туралы мәліметтерді Қазақстан Республикасы Қорғаныс министрлігінің Заң департаментіне жіберуді қамтамасыз етсін.

  1. Осы бұйрықтың орындалуын бақылау Қазақстан Республикасы Қорғаныс министрінің жетекшілік ететін орынбасарына жүктелсін.
  2. Осы бұйрық мүдделі лауазымды адамдарға және құрылымдық бөлімшелерге жеткізілсін.
  3. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі және 2025 жылғы 19 мамырдан бастап туындаған құқықтық қатынастарға қолданылады.

Қазақстан Республикасының Қорғаныс министрі

 генерал-полковник                                                         Р. Жақсылықов

 

«КЕЛІСІЛДІ»

Қазақстан Республикасының

Қаржы министрлігі

Дата публикации
15 мая 2025