Агроөнеркәсіптік кешендегі бірлескен инвестициялық жобаларды АШМ басшысы және Шыңжаң ӨҚК командирінің орынбасары талқылады

АӨК саласындағы қазақстан-қытай инвестициялық жобаларын іске асыруды ауыл шаруашылығы министрі Ербол Қарашөкеев пен Шыңжаң өндірістік-құрылыс корпусы командирінің орынбасары Ли Юнхун талқылады.

Айта кетейік, бүгінде ШӨҚК-да 10 мың жылыжай, астық және ет қоймалары, сондай-ақ ШҰАА-дағы қант зауыттары бар. Шыңжаң өз кезегінде ҚХР-дағы негізгі өңір болып табылады, оның үлесіне Қазақстан мен Қытайдың барлық тауар айналымының 40% - дан астамы тиесілі.

Ербол Қарашөкеев қытайлық әріптесіне өзінің жақында ҚХР-ға сапары туралы еске салып, онда келіссөздер аясында Қытайға қазақстандық ет пен күнбағыс майын жеткізу және аспан асты елінен жаңа піскен көкөністер мен жемістерді импорттау мәселелері қаралды.

Тараптар Қазақстан аумағында сүт-тауар фермалары мен ет өңдеу кешенін салу жөніндегі әлеуетті бірлескен жобаларды талқылады. Ауыл шаруашылығы министрлігі бұл жұмысқа жан-жақты қолдау көрсетуге дайын, деп атап өтті министр. 

АШМ басшысы сондай-ақ Қазақстанның аграрлық секторға инвестиция салудың кең мүмкіндіктері мен түрлі салалық жеңілдіктер туралы айтып берді.

Айта кетейік, Қытай инвесторларының қатысуымен Қазақстан аумағында рапс майын өндіру зауыты, түйе мен биенің құрғақ сүтін өңдеу және өндіру кәсіпорны сияқты маңызды жобалар сәтті жүзеге асырылды. 

Қазіргі уақытта АШМ пулында құны 225 млн доллар болатын тағы 6 инвестициялық жоба бар.