Қазақстан Республикасының ғылым қызметкерлерін бүгінгі кәсіби мерекесімен құттықтаймын.

Ғылымның дамуы - кез келген қоғамның өркендеуінің негізгі көрсеткіші. Сондықтан да елімізде ғылым саласын қолдау қашанда мемлекеттік саясаттың басты мақсаттарының бірі болып табылады.

Бүгінде ауыл шаруашылығы саласындағы ғылыми зерттеулердің сапасын жақсарту жолында Ұлттық аграрлық ғылыми-білім беру орталығының, университет және институттардың мамандары белсенді еңбек етуде. Аграрлық ғылымды реформалау бойынша әлемдік үлгілерге сүйеніп, тәжірибелік-өндірістік шаруашылықтар саны артуда.

Еліміздегі маңызды салалар бойынша зерттеулер жүргізумен айналысатын ғалымдардың еңбегі қашан да ұшан теңіз.

Бүгінгі кәсіби мерекелеріңізбен құттықтап, Сіздерге зор денсаулық, бақ-береке, ғылым саласында шығармашылық табыстар тілеймін!

Қазақстан Республикасы Ауыл шаруашылығы министрі

Сапархан Омаров