Фермерлер жеңілдетілген лизинг бағдарламасы бойынша 369 ауыл шаруашылығы техникасын сатып алды

Жеңілдетілген лизинг бағдарламасын іске асырған бір ай ішінде "ҚазАгроҚаржы" АҚ-ға  43,6 млрд теңге сомасына 1089 бірлік ауыл шаруашылығы техникасын сатып алуға өтінім түсті. Оның ішінде 16,6 млрд теңге сомасына 369 бірлік техника қаржыландырылды.

Жеңілдікпен кредит беру шарттары:

1. Лизинг мерзімі - 10 жылға дейін;
2. Сыйақы мөлшерлемесі - жылдық 6%-бен ;
3. Лизинг бойынша бастапқы жарна (аванс) - 0%;
4. Негізгі қарызды қайтару бойынша жеңілдікті кезең - 1 жыл;
5. Бір лизинг алушыға қаржыландыру сомасы - 205 млн теңгеден және үш ауыл шаруашылығы техникасынан аспайды. Қаржыландыру екі жылдық кезең ішінде бір-ақ рет беріледі.

Естеріңізге сала кетейік, жеңілдетілген несие бағдарламасы 20 жылға есептелген және револьверлік сипатқа ие. Оны іске асыру үшін 40 млрд теңге бөлінген, бұл сомаға Қазақстанда жасалған 1000-ға жуық ауыл шаруашылығы техникасын сатып алу жоспарланып отыр.