ҚР Ауыл шаруашылығы министрлігі кеңесші органдардың санын қысқартты

Қазақстан Республикасы Президентінің 2022 жылғы 13 сәуірдегі «Мемлекеттік аппараттың қызметін бюрократиясыздандыру шаралары туралы»  Жарлығын орындау үшін мемлекеттік органдар екі ай мерзім ішінде консультативтік-кеңесші органдардың (бұдан әрі – ККО) санын екі есе қысқартуы керек болды.

Министрлік басшылығы 3 ККО-ны: аграрлық саясат жөніндегі кеңесті, ғылыми-техникалық кеңесті, сондай-ақ жер қатынастарын дамыту мәселелері жөніндегі сараптамалық кеңесті тарату жөнінде шешім қабылдады.

Осылайша, министрлікте бүгінгі таңда үш ККО жұмыс істейді: жеке кәсіпкерлік мәселелері жөніндегі сараптамалық кеңес, агроөнеркәсіптік кешенді дамыту мәселелері жөніндегі қоғамдық кеңес және мемлекеттік аудит және тәуекелдер жөніндегі кеңес.