Еңбек адамы. Жер иесінің тәжірибесі мен еңбегі: Мұхамеддәуіт Қосаев

Түркістан облысының Отырар ауданында «Нурислам-Айшуақ» ЖШС директоры Мұхамеддәуіт Қосаев өз ісіне адалдығы мен табанды еңбегі арқылы құрметке ие болды.

Шаруашылық 2010 жылы кәсіпкердің жеке қаражатымен құрылған және 15 жыл бойы ауылдық жерлердің әлеуметтік-экономикалық дамуы мен көркейуіне елеулі үлес қосып келеді.

Фермердің басшылығымен шаруашылық ірі және ұсақ қара мал шаруашылығын жүйелі түрде дамытып келеді.

Бүгінгі таңда шаруашылықта 200 бас ірі қара мал бар. Өндірілетін өнім Отырар ауданының Көксарай ауылы тұрғындарын етпен қамтамасыз етіп, аймақтың азық-түлік қауіпсіздігіне өз үлесін қосып отыр.

Жиналған тәжірибе мен өндірістік процестің дұрыс ұйымдастырылуының арқасында «Нурислам-Айшуақ» ЖШСнде әрбір 100 аналық басқа шамамен 70 бұзау алынады. Бұл көрсеткіш шаруашылықтың тиімділігін және мал шаруашылығын дамытудың тұрақты нәтижелерін айқын көрсетеді.