2020 жылғы 2 қыркүйек, ҚР Үкіметінің отырысындағы ҚР Қаржы министрі Е.К. Жамаубаевтың баяндамасы.
Құрметті Асқар Ұзақбайұлы!
Құрметті әріптестер!
Қаржы министрлігі Президент тапсырмаларының тез арада орындалуын қамтамасыз ету үшін келесідей шаралар қабылдауда.
Квазимемлекеттік секторда бірыңғай сатып алуды енгізу жөніндегі заңға қатысты.
А.ж. 28 тамызында «Квазимемлекеттік сектордың жекелеген субъектілерінде сатып алу туралы» Үкіметке заң жобасы енгізілді
Заң жобасы барлық процедуралардың 100%-ын электрондық форматқа көшіру арқылы сатып алулардың ашықтығын арттыруға бағытталған.
Барлық реттелетін сатып алуларды Бірыңғай терезе арқылы өткізу жоспарлануда.
2019 жылы қолданыстағы сатып алу алаңдарының негізінде «сатып алудың бірыңғай терезесі» порталы құрылды.
«Атамекен» ҰКП бірыңғай терезе операторы болып анықталды.
Сонымен бірге, бірыңғай терезенің толыққанды жұмыс істеуі үшін жер қойнауын пайдаланушылар мен табиғи монополия субъектілерінің сатып алу алаңдарымен ықпалдасу қажет.
Шағын және орта бизнестің жалдау төлемдерінен босатуға қатысты.
Ағымдағы жылдың соңына дейін шағын және орта бизнес субъектілерін жалдау төлемдерінен босату бойынша жалдау Ережелеріне өзгерістер енгізу жөнінде бірлескен жұмыс жүргізілуде.
Республикалық және коммуналдық меншік объектілері бойынша шағын және орта бизнес субъектілерімен тиісті қосымша келісімдер жасасу жоспарлануда.
Квазимемлекеттік сектор да оларды басқару органдарының шағын және орта бизнесті жалдау төлемдерінен босату жөнінде шешім қабылдауы қажет.
«Көлеңкелі экономикаға» қарсы күрес аясында Министрлікке басқа да мемлекеттік органдармен бірлесіп кешенді іс-шаралар өткізуде.
Көлеңкелі экономикаға қарсы іс-қимыл жөніндегі жоспар өзектендіріледі және оффшорлық юрисдикцияларға ақша аударымдары бөлігінде заңнама жетілдіріледі.
Министрлік FATF ұсынымдарын орындайды, атап айтқанда:
- мемлекеттік және квазимемлекеттік сектордың лауазымды тұлғаларына және олардың отбасы мүшелеріне шетелдік шоттарды ашуға тыйым салуды енгізу;
- салық органдарының кәсіпкерлік субъектілерінен түпкілікті бенефициарлар туралы мәліметтерді алу құқығын заңнамамен бекіту.
Экономикалық ынтымақтастық және даму ұйымы (ЭЫДҰ) елдерінің салық органдары арасында ақпарат алмасу шеңберінде ҚР резиденттерінің қаржылық шоттары туралы мәліметтерді талдау.
Салықтық және кедендік әкімшілендіруді цифрландыру бойынша жұмыс жандандырылды.
Астана-1, Электрондық шот-фактуралар жүйесі және Виртуалды қойма іске қосылды.
Бұдан басқа, темекі және алкоголь өнімдерін таңбалау пилоттық жоба ретінде жүргізіледі және онлайн-Бақылау кассалық машиналары (БКМ) енгізілді және басқа іс-шаралар.
Жүйелерді интеграциялау есебінен ҚХР-мен импорт бойынша кедендік статистиканың алшақтығы төмендеді.
Авто және теміржол өткізу пункттерін жаңғырту жөніндегі жобаны іске асыру көзделген.
Кешенді жедел-профилактикалық іс-шаралар шеңберінде Экономикалық тергеу қызметі қайта бағдарлады:
- Мұнай және мұнай өнімдерінің, акцизделетін өнімдердің заңсыз айналымы;
- капиталдың заңсыз ағымы;
- бюджет қаражатын, оның ішінде квазимемлекеттік секторда ұрлау және ысырап ету;
- салық төлеуден жалтару;
- жалған шот-фактуралардың үзінділері.
Құрметті Асқар Ұзақбайұлы!
Мемлекет басшысының кешегі Қазақстан халқына Жолдауында айтылған тапсырмаларын қаржылық қамтамасыз ету:
- ағымдағы және келесі жылдарды нақтылау кезінде;
- 2021-2023 жылдарға арналған бюджет жобасын талқылау барысында жүргізіледі.
2020 жылға арналған республикалық бюджетті нақтылау кезінде медицина қызметкерлеріне ынталандыру үстемеақыларына, тез салынатын жұқпалы аурулар ауруханаларын салуға, Тегін медициналық көмектің кепілдендірілген көлемі (МККК) шеңберінде медициналық қызметтерге және дәрілік заттарды сатып алуға арналған шығыстарды қаржыландыру жоспарлануда.
Президент Жолдауының іс-шараларын іске асыруға арналған шығыстар көлемі бюджеттік бағдарламалар әкімшілерімен бірлесіп пысықталатын болады.
Назарларыңызға рақмет!