БАСПАСӨЗ ХАБАРЛАМАСЫ «Қазақстан Республикасының Үкіметі мен Оман Сұлтандығының Үкіметі арасындағы табыс пен капиталға салынатын салықтарға қатысты қосарланған салық салуды болдырмау және салық салудан жалтаруға жол бермеу туралы келісімге және оған Хаттамаға қол қою туралы» Қазақстан Республикасы Үкіметінің 2023 жылғы 10 қарашадағы № 994 қаулысына өзгеріс енгізу туралы» Қазақстан Республикасы Үкіметі қаулысының жобасына

«Қазақстан Республикасының Үкіметі мен Оман Сұлтандығының Үкіметі арасындағы табыс пен капиталға салынатын салықтарға қатысты қосарланған салық салуды болдырмау және салық салудан жалтаруға жол бермеу туралы келісімге және оған Хаттамаға қол қою туралы» Қазақстан Республикасы Үкіметінің 2023 жылғы 10 қарашадағы № 994 қаулысына өзгеріс енгізу туралы» Қазақстан Республикасы Үкіметі қаулысының жобасы (бұдан әрі- Жоба) «М.Т.Такиевті тағайындау туралы» Қазақстан Республикасы Президентінің 2024 жылғы 6 ақпандағы № 457 Жарлығына сәйкес Қазақстан Республикасының Үкіметі құрамының өзгеруіне байланысты әзірленді.

Жобаның мақсаты Қазақстан Республикасының Үкіметі құрамының өзгеруіне байланысты көрсетілген Келісімге Қазақстан Республикасы Үкіметінің атынан қол қоятын уәкілетті тұлғаны өзгерту бөлігінде Қазақстан Республикасы Үкіметінің 2023 жылғы 10 қарашадағы  № 994 «Қазақстан Республикасының Үкіметі мен Оман Сұлтандығының Үкіметі арасындағы қосарланған салық салуды болдырмау туралы келісімге қол қою туралы» қаулысын өзектендіру болып табылады.

Жобаны қабылдау республикалық бюджеттен қаржы бөлуді талап етпейді.

Жоба 2024 жылғы 12 сәуірде Ашық нормативтік құқықтық актілердің интернет-порталында орналастырылған (http://legalacts.egov.kz).

Жобаны жария талқылауды өткізу мерзімі - 2024 жылғы 26 сәуірге  дейін.