«Еңбек күніне» орай «Жұмыс орныңды балаларыңа таныстыр» атты ашық есік күні шарасы туралы

Бүгін ҚР Қаржы министрлігінде Орталық аппарат қызметкерлерінің балалары үшін ашық есік күні ұйымдастырылып, ата-ана қызметкерлер өзінің балаларын жұмыс орнына әкеліп, қызмет орнын көрсетіп, таныстырды.

Балалар ата-анасының қайда, қалай жұмыс істейтінін көріп, ғимаратты аралап болған соң, мәжіліс залына жиналып, Министрліктің басшылығымен кездесті. Кездесу барысында балаларға Министрліктің қызметі туралы, ата-анасының атқарып жатқан жұмысы және олардың еліміздің өркендеуіне қосып жатқан үлестері туралы ақпарат берілді.

Бұл шара ата-аналарымыз үшін де, балаларымыз үшінде өте маңызды. Оның нәтижесінде балалар өз ата-аналарының қайда жұмыс жасайтынын танып білді және болашақ мамандықты таңдауға мүмкіндік алды, сондай-ақ, ата-аналардың қызметтегі жауапкершілігін арттырып, ұжымдағы корпоративтік рухты нығайтуға септігін тигізді.

Балаларымыз аман, дендері сау болсын!