Бүгін Қазақстан Республикасының Парламенті Сенатының жалпы отырысында «Қазақстан Республикасының Үкіметі мен Өзбекстан Республикасының Үкіметі арасындағы Қазақстан-Өзбекстан кедендік шекарасы арқылы құбыржол көлігімен және электр беру желілері бойынша энергия ресурстарын өткізу кезіндегі бірлескен кедендік бақылау туралы келісімді ратификациялау туралы» Қазақстан Республикасы Заңының жобасы қаралып, қабылданды.

Бүгін

Қазақстан Республикасының Парламенті Сенатының жалпы отырысында «Қазақстан Республикасының Үкіметі мен Өзбекстан Республикасының Үкіметі арасындағы Қазақстан-Өзбекстан кедендік шекарасы арқылы құбыржол көлігімен және электр беру желілері бойынша энергия ресурстарын өткізу кезіндегі бірлескен кедендік бақылау туралы келісімді ратификациялау туралы» Қазақстан Республикасы Заңының жобасы (бұдан әрі - Келісім) қаралып, қабылданды.

Келісімнің мақсаты сақталуын бақылау кеден органдарына жүктелген Қазақстан Республикасы кеден заңнамасының орындалуын қамтамасыз ету, кедендік операциялар жасау және кедендік бақылау жүргізу, Қазақстан-Өзбекстан кедендік шекарасы арқылы құбыржол көлігімен және электр беру желілері бойынша өткізілетін энергия ресурстарына кедендік бақылаудың тиімділігін арттыру болып табылады.

Еуразиялық экономикалық одақтың кедендік аумағынан әкетілетін құбыржол көлігімен және электр беру желілері бойынша өткізілетін тауарларды кедендік декларациялау кезінде есепке алу аспаптарынан көрсеткіштер пайдаланылады.

Келісімде көзделген іс-шараларды жүргізу Қазақстан-Өзбекстан кедендік шекарасы арқылы құбыржол көлігімен және электр беру желілері арқылы өткізілетін энергия ресурстарына қатысты кедендік-тарифтік реттеу шараларының сақталуын қамтамасыз етуге мүмкіндік береді, кедендік декларациялау кезінде мәлімделген мәліметтердің дұрыстығын қамтамасыз етеді, кедендік бақылаудың тиімділігін арттырады.

Одан әрі осы Заң жобасы Мемлекет басшысына қол қоюға жіберіледі.