2023 жылғы 17-18 мамырда Самарқандта ҚР Қаржы вице-министрі, Еуропа қайта құру және даму банкі (ЕҚДБ) Басқарушылар Кеңесінде Қазақстаннан Басқарушының орынбасары Д.Кеңбеил бастаған қазақстандық делегация ЕҚДБ Басқарушылар Кеңесінің жыл сайынғы отырысына және Бизнес форумға қатысты

2023 жылғы 17-18 мамырда Самарқандта ҚР Қаржы вице-министрі, Еуропа қайта құру және даму банкі (ЕҚДБ) Басқарушылар Кеңесінде Қазақстаннан Басқарушының орынбасары Д.Кеңбеил бастаған қазақстандық делегация ЕҚДБ Басқарушылар Кеңесінің жыл сайынғы отырысына және Бизнес форумға қатысты.

Отырыс аясында Д.Кеңбеил мен «Бәйтерек» ҰБХ» АҚ төрағасының орынбасары А. Мұхамеджановтың қатысуымен «Инвестициялар үшін тартымды мүмкіндіктер: Көп секторлы тәсіл» тақырыбында Қазақстан бойынша инвестициялық сессия өтті. 

Д.Кеңбеил Қазақстанның инвестициялық тартымдылығын арттыру үшін қабылданып жатқан шаралар туралы хабардар етіп, еліміздің шетелдік капиталды және әлемдік деңгейдегі инвестицияларды тарту үшін зор әлеуеті бар екенін атап өтті.

Сессияға 200-ден астам қонақ қатысты, оның ішінде қаржы ұйымдарының, бизнес қоғамдастықтың өкілдері және шетелдік корпорациялардың басшылары.

Аталған сессияның қорытындысы бойынша тараптар қазақстандық «DAMU» кәсіпкерлікті дамыту қоры мен Қазақстандағы ЕҚДБ кеңсесі арасындағы өзара түсіністік туралы Меморандумға қол қойды.

Сондай-ақ, Бизнес форум алаңында Еуропалық инвестициялық банктің вице-президенті Томас Острос және ЕҚДБ Еуразия инфрақұрылым бөлімінің басшысы, директоры Екатерина Мирошникпен екіжақты кездесулер өтті, онда сауда-экономикалық және инвестициялық ынтымақтастықты дамыту мәселелері талқыланды.