«Республикалық бюджет жобасын әзірлеу қағидаларын бекіту туралы» Қазақстан Республикасы Үкіметінің 2017 жылғы 24 тамыздағы № 502 қаулысына өзгерістер енгізу туралы» Қазақстан Республикасы Үкіметі қаулысының жобасына БАСПАСӨЗ ХАБАРЛАМАСЫ

«Республикалық бюджет жобасын әзірлеу қағидаларын бекіту туралы» Қазақстан Республикасы Үкіметінің 2017 жылғы 24 тамыздағы № 502 қаулысына өзгеріс енгізу туралы» Қазақстан Республикасы Үкіметі қаулысының жобасы «Мемлекет басшысының жекелеген тапсырмаларын іске асыру мәселелері бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы» 2022 жылғы 30 желтоқсандағы Қазақстан Республикасының Заңын іске асыру бөлігінде әзірленді.

Осы жобаны қабылдаудың мақсаты Мемлекеттік жоспарлау жүйесінің құжаттарын жоспарлау және әзірлеу сатысында тиісті саладағы уәкілетті мемлекеттік органның мемлекеттік-жекешелік әріптестік жобаларының базалық параметрлерін (оның ішінде мақсаттары мен міндеттері, институционалдық схемасы, бюджет қаражаты есебінен болжанатын төлемдер, мемлекеттік қолдау шаралары және т.б.) заңнамалық бекіту болып табылады.

Осыған байланысты қаулы жобасының 21-тармағының 6) тармақшасына «Мемлекеттік бағдарламалар, саланы (саланы) дамыту тұжырымдамалары, Ұлттық жобалар» деген сөздерді «Мемлекеттік жоспарлау жүйесінің құжаттарына» ауыстыру бөлігінде өзгеріс енгізу ұсынылады.

Бұйрық жобасы ашық нормативтік құқықтық актілердің интернет-порталына 2022 жылы 19 желтоқсан айында орналастырылған (http://legalacts.egov.kz).