Қаржы министрлігінде мемлекеттік сатып алу заңнамасын жетілдіру жөнінде бизнестің ұсынысы талқыланды
Қаржы министрлігінде «Қаржы Министрлігі – Адалдық Алаңы» жобалау кеңесінің бастамасымен мемлекеттік сатып алу туралы заңнамасына жаңа енгізілімдерді талқылау жөнінде кеңес өткізілді.
Іс-шараға «Атамекен» ҰКП өкілдері, Нұр-Сұлтан қ., Қостанай, СКО, Ақмола, Қарағанды және Павлодар облыстарының өнім берушілері мен мемлекеттік сатып алудың қатысушылары қатысты.
Заңды әзірлеушілер Мемлекеттік сатып алуды жүзеге асыру ережесіне өзгерістер енгізді.
Мысалы, 2020 жылғы 1 қаңтардан бастап құрылыс саласындағы жұмыстарды сатып алуда жұмыс тәжірибесін растайтын құжаттар (орындалған жұмыстар актілері және пайдалануға беру актілері) тек электрондық депозитарийден расталады.
Электрондық депозитарийді толтыру мерзімі 2020 жылдың 29 ақпанына дейін ұзартылды.
Конкурстық баға ұсыныстарына әсер ететін критерийлер мемлекеттік сатып алу ережесінен алынып тасталды (техникалық реттеу саласында ұсынылған тауарлардың сәйкестігін ерікті түрде растайтын құжат; ұлттық немесе халықаралық стандарттарға сәйкес сатып алынатын тауарлардың, жұмыстардың, көрсетілген қызметтердің затына сәйкес сапа менеджменттің сертификатталған жүйесіне (сертификатталған жүйелеріне) сәйкестігін растайтын құжат; экологиялық менеджмент жүйесінің ұлттық стандартқа сәйкестігін растайтын құжат; ұсынылған тауарлардың экологиялық таза өніміге сәйкестігін растайтын құжат) және төленген салықтар көрсеткіші ретінде жаңа критерийімен толықтырылды.
Сондай-ақ, 2020 жылдың 1 қаңтарынан бастап, конкурстық баға ұсыныстарының шартты бағаларға тең болған кезде көп мөлшерде салық төлеген қатысушы емес, үлкен салық жүктемесі бар қатысушы жеңімпаз болып табылады.
2020 жылдың 1 маусымнан бастап құны 100 АЕК-ке дейінгі тауарларға тікелей жасасу арқылы бір көзден алу әдісімен мемлекеттік сатып алу бойынша интернет-дүкендерден тауарларды жіктейтін және біріктіретін тауарлардың электронды каталогы (электронды дүкен) арқылы жүзеге асырылады.
Сатып алынатын тауарлар тауарлардың электрондық каталогында болмаған немесе тауарларды электрондық каталогқа орналастырған әлеуетті өнім беруші шартқа қол қоюдан бас тартқан жағдайда, мұндай мемлекеттік сатып алу Заңның 39-бабы 3-тармағының 42) тармақшасына сәйкес тауарлардың электрондық каталогын қолданбай-ақ жүзеге асырылады.
2020 жылдың 1 шілдесінен бастап тендерге (аукционға) қатысатын барлық әлеуетті жеткізушілерге қаржылық тұрақтылық түріндегі біліктілік талабы қойылады:
- Егер сатып алудың (лоттың) бөлінген сомасы 4 мың АЕК асатын болса, тауарлар;
- Егер сатып алудың (лоттың) бөлінген сомасы 8 мың АЕК асатын болса, жұмыстар;
- Егер сатып алудың (лоттың) бөлінген сомасы 20 мың АЕК асатын болса, қызметтер.
Бұл ретте тауарларды сатып алуға қатысатын әлеуетті өнім берушілерге қаржылық тұрақтылық жөніндегі талап кірістер мен төленген салықтар көрсеткіштері бойынша сәйкестік бөлігінде ғана қолданылатын болады.
Бұдан басқа, төленген салықтар бойынша көрсеткіштер ұлғаюда: 2020 жылы – 3%; 2021 жылы – 4%; 2022 жылы – 5%.
Сонымен бірге Қаржы министрлігі мемлекеттік сатып алу мәселелері бойынша заң жобасын әзірлеп, Парламент Мәжілісіне ұсынды.
Заң жобасында мемлекеттік сатып алудың жаңа әдістерін енгізу қарастырылған.
Негіздемелік келісімдер. Мемлекеттік сатып алу рәсімдерін жеңілдету үшін негіздемелік келісімдерді қолдана отырып, тендер түрінде сатып алудың жаңа әдісін енгізу ұсынылады. Сатып алудың бұл әдісі стандартты (типтік) тауарлар, жұмыстар, кеңсе тауарлары, жанар-жағармай материалдары, байланыс қызметтері, дәрі-дәрмектер және т.б. үшін қолданылады.
Сатып алу процесі екі кезеңнен тұрады: бірінші кезеңде негіздемелік келісім жасалатын біліктілік талаптарына жауап беретін әлеуетті жеткізушілерді таңдау; екінші бағытта осындай жеткізушілерге тауарларды, жұмыстарды, қызметтерді сатып алуға өтінімдер. Шарт ең төменгі баға ұсынысын беру арқылы жасалады.
Электрондық дүкен. Сатып алудың бұл әдісі қазір бір көзден сатып алу әдісімен сатып алынатын маңыздылығы шамалы сатып алу үшін қолданылу ұсынылады.
Электрондық дүкен арқылы сатып алуды нарықта жұмыс істейтін интернет-дүкендер негізінде жүзеге асыру ұсынылады.
Рейтингтік-балдық шәкіл бойынша жарыс. Электрондық мемлекеттік сатып алу жүйесін мемлекеттік органдардың ақпараттық жүйелеріне кеңінен интеграциялау жолымен өнім берушіні таңдау процесін толығымен автоматтандыру ұсынылады.
Мемлекеттік сатып алу веб-порталымен интеграцияланған ақпараттық жүйелердегі әлеуетті өнім беруші туралы деректердің негізінде әлеуетті өнім берушіге тиісті балл берілетін болады.
Беделінің нашар болуы үшін (әлеуетті өнім берушінің Мемлекеттік сатып алуға жосықсыз қатысушылардың тізілімінде бұрын болуы, өткен Мемлекеттік сатып алу туралы шарттар бойынша мерзімі өтіп кеткендердің, тұрақсыздық айыптарының және т.б. болуы) мұндай әлеуетті өнім берушіге теріс балл берілетін болады.
Мемлекеттік сатып алуды орталықтандыру.
Мемлекет басшысының мемлекеттік сатып алуды орталықтандыру туралы тапсырмасын орындау үшін бюджеттік мекемелердің басшыларын оларды өткізуден босата отырып, орталықтандырылған мемлекеттік сатып алуды жүзеге асыру тәртібін Мемлекеттік сатып алуды жүзеге асыру ережелері деңгейінде реттеу ұсынылады.
Орталықтандырылған сатып алуды икемді реттеу қажеттілігі қазіргі уақытта сатып алуды орталықтандырудың жаңа тәсілдері пилоттық режимде іске асырылатынына байланысты.
