Қазақстан Республикасы Қаржы министрлігі ведомстволарының Қызылорда облысының бөлімшелерінде сыбайлас жемқорлықтың алдын алу бойынша кеңес өткізілді және Мемлекеттік кірістер департаментінің жаңа басшысы ұсынылды

Қазақстан Республикасы Қаржы министрлігі ведомстволарының Қызылорда облысының бөлімшелерінде қызметкерлердің сыбайлас жемқорлық қылмыстар жасауына ықпал ететін себептер мен жағдайларды уақтылы жою мәселесі бойынша кеңес өткізілді.

Кеңес барысында Қазақстан Республикасы Қаржы министрлігі аппаратының басшысы Абзал Бейсенбекұлы жаңа басшы, бұрын Министрліктің Мемлекеттік кірістер комитеті Кадр және ішкі әкімшілендіру департаментінің директоры қызметін атқарған Ғани Мырзағабылұлы Амановты таныстырды.

А. Бейсенбекұлы қарамағындағылардың сыбайлас жемқорлық үшін аумақтық бөлімшелердің бірінші басшыларының дербес жауапкершілігін атап өтіп, барлық деңгейлерде сыбайлас жемқорлыққа тиімді қарсы іс-қимыл жасау, салықтық және кедендік әкімшілендіруді жетілдіру, сондай-ақ мемлекеттік аппарат қызметін бюрократиядан арылту жөнінде шаралар қабылдау үшін кешенді жұмысты іске асыру бойынша бірқатар нақты міндеттерді белгіледі.