Қаржы Вице-министрі Д. Кеңбеил Қазақстан делегациясының Вашингтон қаласында Халықаралық Валюта Қоры мен Дүниежүзілік банк тобының кезекті көктемгі кездесулеріне сапары шеңберінде бірқатар екіжақты кездесулер өткізді
Қаржы Вице-министрі Д. Кеңбеил Қазақстан делегациясының Вашингтон қаласында Халықаралық Валюта Қоры мен Дүниежүзілік банк тобының кезекті көктемгі кездесулеріне сапары шеңберінде бірқатар екіжақты кездесулер өткізді.
Дүниежүзілік банктің Еуропа және Орталық Азия өңірі бойынша сатып алу жөніндегі жаһандық тәжірибенің жетекшісі Саймон Ченьерани Чирвамен кездесу барысында мемлекеттік сатып алу және квазимемлекеттік сектор сатып алу саласында жүргізіліп жатқан реформалар мәселелері талқыланды. Саймон осы саладағы ең жақсы тәжірибе ұсыныстарымен бөлісіп, тығыз бірлескен жұмысқа дайын екенін білдірді. Сондай-ақ, Тараптар ағымдағы жылдың мамыр айында сатып алулар бойынша бірлескен семинар өткізуге келісті.
Д. Кеңбеилдің Дүниежүзілік банк Қазынашылығының капитал нарықтары және инвестициялар жөніндегі директоры Джордж Ричардсонмен кездесуінде Қазақстандағы жобаларды ұлттық валютада қаржыландыру тетіктері талқыланды. Дүниежүзілік банк өкілдері қазақстандық қарыз алушыларды теңгемен қаржыландыру жөніндегі ұсынысты қолдады және Дүниежүзілік банк өкілдерінің Нұр-Сұлтан қаласына арнайы сапары барысында егжей-тегжейлі талқылауды жалғастыруды ұсынды.
Бұдан басқа, Д. Кеңбеил Еуропа және Орталық Азия өңірі бойынша жеке секторды және Қаржы нарығын дамыту жөніндегі жаһандық тәжірибенің жетекшісі Ілияс Скамнелоспен кездесті, ол банктің шағын және орта кәсіпорындарды қолдау жөніндегі қолданыстағы бағдарламалары туралы хабардар етті. Тараптар Қазақстандағы инфрақұрылымдық инвестициялық жобаларды қаржыландырудағы ынтымақтастықты одан әрі дамыту мәселелерін талқылады.
Сондай-ақ, Д.Кеңбеил Ситибанк дамушы нарықтар өңірі бойынша мемлекеттік сектормен жұмыс жөніндегі сектордың басшысы Георгий Йордановпен және Ситибанк Еуропа, Орта Азия және африка өңірі бойынша капитал нарықтарының басшысы Уильям Уивермен кездесу өткізді, оның барысында халықаралық Бағалы қағаздар нарығындағы ағымдағы жағдай және дамушы нарықтар үшін капиталдың сыртқы нарықтарына шығуға қатысты перспективалар талқыланды.
Сапар аясында Д.Кеңбеил Eaton Vance, Fidelity Investments, Lazard, Payden & Rygel сияқты ірі инвестициялық қорлардың өкілдерімен кездесті, онда Қазақстанның жергілікті және халықаралық облигацияларына инвестициялар саласындағы ең өзекті мәселелер талқыланды. сондай-ақ одан әрі екіжақты жемісті ынтымақтастық мәселелері талқыланды.
ҚР Қаржы министрлігінің баспасөз қызметі