ҚР Қаржы министрі Ерұлан Жамаубаев Республикалық бюджеттің атқарылуын бақылау жөніндегі Есеп комитеті ұжымын 25 жыл толуымен құттықтады.

"Қазіргі таңда Есеп комитеті белсенді әрі тиімді мемлекеттік аудит институты ретінде қалыптасып қана қоймай, маңызды жалпыұлттық міндеттерді шешудің басты буынына айналды", - деді министр.

Ол, сондай-ақ Есеп комитеті алдағы уақытта да Қазақстанның қаржылық тұрақтылығын нығайтуға елеулі үлес қосатынына сенім білдіріп, Қаржы министрлігі де мемлекет қазынасын тиімді пайдалану ісіндегі Есеп комитетінің бастамаларын барынша қолдауға дайын екенін жеткізді.