Салықтық әкімшілендіруді түбегейлі оңтайландыру және жеңілдету міндеті шеңберінде Қаржы министрлігі бірқатар іс-шараларды жүзеге асыруда.

Ал болашақта жаңа шешімдер енгізілетін болады, деді Қаржы министрі Ерұлан Жамаубаев бүгін сыбайлас жемқорлыққа қарсы іс-қимыл мәселелері бойынша кәсіпкерлердің V республикалық форумы барысында.

 

Қаржы министрі, Қазақстанда жеке тұлғалар үшін мүлік салығын төлеуге ыңғайлы болу үшін «E-Salyq Азамат» (Салық әмиян) мобильді қосымшасы әзірленіп, енгізілгенін еске салды.

 

Қосымша мәліметтерді толтырмай салық төлеуге, бірнеше минут ішінде онлайн түрде шотыңызға ақша салып, оны қажетті төлем жасауға жұмсауға, артық төлемдерді басқаруға және басқа да операцияларды жүзеге асыруға мүмкіндік береді.

«Бүгінің өзінде оң нәтижелер бар. Жыл басынан бері қолданушылар саны 5 есеге өсті - 100 мыңнан 505 мыңға дейін », - деді Е.Жамаубаев.

 

Жалпыға бірдей декларациялау шеңберінде 462 мың азамат декларация тапсырды, оның 45% -ы - осы мобильді қосымшаның қызметін қолданған.

 

Сонымен қатар, қазіргі уақытта кәсіпкерлер үшін E-Salyq Business қосымшасы жасалуда. Атап айтқанда, жеке кәсіпкерлікті тіркеуді және жабуды онлайн режимі арқылы жеңілдетіп, салық есептілігін ұсыну және фискалдық чектер операторларының қызметтері үшін комиссия мен төлемді жою және т.б.