Қаржы министрлігінен Төлеген Ташмағамбетов орталық мемлекеттік органдардың арасында Әдеп жөніндегі ең үздік уәкіл атанды

Мемлекеттік қызмет істері және сыбайлас жемқорлыққа қарсы іс-қимыл агенттігінде мемлекеттік қызметшілер арасында моральдық-этикалық құндылықтарды ілгерілету, Әдеп жөніндегі уәкілдер туралы оң қоғамдық пікір қалыптастыру мақсатында өткізілген "Әдеп жөніндегі үздік уәкіл" республикалық байқауының қорытындысы шығарылды.

Ағымдағы жыл ішіндегі ең жақсы жұмыс критерийлері тұрақты негізде кеңес беру, өтініш берушілердің бұзылған құқықтарын қалпына келтіру, үкіметтік емес сектормен бірлескен қызмет, алдын алу іс-шараларын жүргізу және мемлекеттік органдарда этикалық құқық бұзушылықтардың төмендеу серпіні болып табылады.

Конкурс шарттары бойынша, Әдеп жөніндегі уәкіл жеңімпаз деп танылған Қаржы министрлігі "Ең ашық (этикалық) Мемлекеттік орган" мәртебесіне ие болды.

Марапаттау рәсімі "Рухани жаңғыру" ұлттық бағдарламасының негізгі басымдықтарына сәйкес "Парасаттылық - сананы табысты трансформациялау жолында" тақырыбында өтті.

Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының орынбасары Айгүл Шаимова барлық мемлекеттік аппараттың санасын одан әрі жаңғырту үшін әрбір мемлекеттік қызметшінің этикалық бастауының маңыздылығын ерекше атап өтті.

"Мемлекеттік қызметшілер өз жұмысында азаматтардың оларға деген сенімі туралы есте сақтауы тиіс, соның салдарынан қоғамға қызмет ету - тұрақты, шынайы және адал болу басты басымдығы болып табылады", - деп атап өтті Айгүл Шаимова.

АГДС ақпараты бойынша, 2015 жылдан бастап этикалық құқық бұзушылықтар саны 40% - ға азайды (2015 жылы - 338, 2016 жылы - 232, 2017 жылы - 203, 2018 жылы-182).

Жергілікті атқарушы органдар деңгейінде Ақмола облысы әкімі аппаратының Әдеп жөніндегі уәкілі Н. Әбдрахманов үздік деп танылды..

Байқау жеңімпаздарына грамоталар мен естелік сыйлықтар табыс етілді. Сонымен қатар, олар халықаралық этикалық стандарттар жүйесін зерттеу үшін шетелге барады.

Естеріңізге сала кетейік, Қазақстанның Мемлекеттік қызмет жүйесіне Әдеп жөніндегі уәкіл лауазымы "Ұлт жоспары-100 қадам" аясында енгізілді. Қазіргі уақытта 13 орталық мемлекеттік органдарда және облыстар, Астана және Алматы қалалары әкімдерінің 16 аппараттарында Әдеп жөніндегі уәкілдің дербес лауазымы енгізілді.

ҚР Қаржы министрлігінің баспасөз қызметі