Қаржы министрлігінің үздік қызметкерлеріне марапаттар тапсырылды

Қаржы министрлігінде Қазақстан Республикасының Тәуелсіздік күніне арналған салтанатты жиын өтті.

Қаржы министрі Әлихан Смайылов ведомствоның үздік қызметкерлеріне марапаттар табыс етті.

Сонымен, Қазақстан Республикасы Президентінің 2018 жылғы 5 желтоқсандағы Жарлығымен Мемлекеттік және қоғамдық қызметте сіңірген еңбегі, елдің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға қосқан елеулі үлесі үшін Қазақстан Республикасының мемлекеттік наградалары - "Құрмет" орденімен және "Ерен еңбегі үшін" медалімен Қаржы министрлігінің бірқатар қызметкерлері марапатталды.

Қазақстан Республикасының қорғаныс қабілетін нығайту және әскери жоспарлау жұмыстарына белсенді қатысқаны үшін Министрліктің бірқатар қызметкерлері Қазақстан Республикасы Президентінің көмекшісі-Қауіпсіздік Кеңесі Хатшысының алғыс хатымен марапатталды.

Жиналыс соңында мерекелік концерт өтті.

ҚР Қаржы министрлігінің баспасөз қызметі