Ағымдағы жылғы 23 ақпанда Қаржы министрлігінің Әдеп жөніндегі уәкілі Кәмшат Арыстанбекова Мемлекеттік мүлік және жекешелендіру, ішкі мемлекеттік аудит және мемлекеттік қазынашылық комитеттерінің қызметкерлері үшін мемлекеттік қызметшілердің қызметтік әдеп және қоғамдық кеңістіктегі коммуникация мәселелеріне арналған семинар өткізді.
Семинар аясында сыбайлас жемқорлыққа қарсы шектеулер мен қызметтік мінез-құлыққа қойылатын талаптарды сақтау мәселелері талқыланды. Мемлекеттік қызметшілердің құмар ойындар мен бәс тігуге қатысуына жол бермеу қажеттілігі, сондай-ақ сыбайлас жемқорлық құқық бұзушылықтарға немесе бедел тәуекелдеріне әкеп соғуы мүмкін кез келген әрекеттерден алшақ болу маңыздылығы атап өтілді.
Кездесу барысында мемлекеттік қызметшілердің әлеуметтік желілердегі мінез-құлық әдебіне ерекше көңіл бөлінді. Сондай-ақ Әдеп жөніндегі уәкіл күнделікті қызметте туындайтын үлгілік жағдайларды келтірді.