Павлодарда Қаржы министрлігінің Әдеп жөніндегі уәкілдері Камшат Арыстанбекова мен Мемлекеттік кірістер комитеті Тасқын Ақбаевтың облыстық мемлекеттік кірістер, ішкі мемлекеттік аудит, қазынашылық, сондай-ақ мемлекеттік мүлік және жекешелендіру департаменттерінің мамандарымен кездесуі өтті.
Кездесудің негізгі мақсаты - бұзушылықтардың алдын алу және мемлекеттік қызметтің оң имиджін қалыптастыру.
Іс-шара барысында мемлекеттік қызмет және сыбайлас жемқорлыққа қарсы іс-қимыл туралы қолданыстағы заңнаманың негізгі ережелері талқыланды. Мемлекеттік қызметшілердің әдеп кодексін сақтауға, сондай-ақ мемлекеттік қызметшілердің құмар ойындарға қатысуына тыйым салуға ерекше назар аударылды.
«Этикалық нормалар кез-келген кәсіби қызметті жүзеге асыруда маңызды рөл атқарады, бірақ этикалық стандарттардың рөлі ерекше болатын мамандықтар бар. Мемлекеттік қызметтегі жұмыс адамға белгілі бір міндеттемелер жүктейді», - деп атап өтті Камшат Арыстанбекова.
Мемлекеттік қызметшілердің қызметтік әдеп нормаларын және мемлекеттік қызмет туралы заңнаманы бұзуының алдын алу үшін қабылданатын шаралар туралы Мемлекеттік кірістер комитетінің Әдеп жөніндегі уәкілі айтып берді. Сапар аясында Тасқын Ақбаев мамандардың жұмыс кабинеттеріне барып, өзекті мәселелермен танысты, қызметте туындайтын қиындықтармен танысты, сондай-ақ байланыс орталығының жұмысына баға берді.
Іс-шара соңында Әдеп жөніндегі уәкілдер мемлекеттік қызметшілерге «Қазақстан Республикасының мемлекеттік қызметі туралы», «Сыбайлас жемқорлыққа қарсы іс-қимыл туралы» заңдардың, Әдеп кодексінің ережелерін қатаң сақтауды ұсынды.