Абзал Бейсенбекұлы, білімі жоғары: 2006 жылы М.Х.Дулати атындағы Тараз мемлекеттік университетін бітірген, экономист, 2017 жылы – Ноттингем университеті («Болашақ» бағдарламасының түлегі), мемлекеттік саясат саласындағы гуманитарлық ғылымдар магистрі, 2020 жылы – Тараз инновациялық-гуманитарлық университеті, құқық бакалавры.

«Болашақ» халықаралық стипендиясының иегері, 2019 жылғы Президенттік жастар кадр резервінің мүшесі.

Еңбек жолын 2007 жылы ҚР Білім және ғылым министрлігінің Ғылым комитетінде бастаған.

2008-2010 жылдары Экономика және бюджеттік жоспарлау министрлігінің Әлеуметтік саланы дамыту департаменті Білім және ғылымды дамыту басқармасының сарапшысы қызметін атқарды.

2010-2011 жылдары ҚР Қаржы министрлігінің Әлеуметтік саланың бюджеттік бағдарламаларының орындалуын жоспарлау, талдау және іске асырылуын бағалау департаментінде жұмыс істеді.

2011-2019 жылдары ҚР Президенті Әкімшілігінің Әлеуметтік-экономикалық мониторинг бөлімінде сарапшы, консультант, инспектор, сектор меңгерушісі және бөлім меңгерушісінің орынбасары лауазымдарында еңбек етті.

2019 жылғы сәуірден 2021 жылғы наурыз аралығында жеке және квазимемлекеттік секторларда басшылық қызметтер атқарды.

2021 жылғы наурыздан бастап 2023 жылғы наурыз аралығында ҚР Қаржы министрлігінің Аппарат басшысы қызметін атқарды.

2023 жылғы наурыздан бастап осы уақытқа дейін ҚР Қаржы вице-министрі лауазымын атқарып отыр