Тұрғын үй иесі неге тұрғындарды тіркеуге міндетті? Бұл үшін жауапкершілік бар ма?

ІІМ Көші-қон қызметі комитеті осы мәселе бойынша тұрғын үйде тұратын азаматтарды тіркеу міндеті «Тұрғын үй қатынастары туралы»                     1997 жылғы 16 сәуірдегі Заңның 24-бабының 3-1-тармағымен регламенттелетінін түсіндіреді, онда жалдаушы қосымша жалдау шарты бойынша жалға берілетін тұрғын үйде тұратын адамдарды Қазақстан Республикасының заңнамасында белгіленген тәртіппен тіркеуге міндетті.

Бұл ретте, «Әкімшілік құқық бұзушылық туралы» Қазақстан Республикасы Кодексінің 493 - бабының 5 - бөлігіне сәйкес, тұрғынжай меншік иесінің немесе қарамағында тұрғынжайлар, ғимараттар және (немесе) үй - жайлар бар басқа да тұлғалардың жеке тұлғалардың тіркеусіз тұруына жол берген үшін 10 (он) мөлшеріндегі айыппұл түрінде айлық есептік көрсеткіш (АЕК) мөлшерінде (шағын кәсіпкерлік субъектілеріне немесе коммерциялық емес ұйымдарға - 15, орта кәсіпкерлік субъектілеріне-25, ірі кәсіпкерлік субъектілеріне-50 АЕК мөлшерінде), әкімшілік жаза қолданылғаннан кейін бір жыл ішінде жасалған әрекеттің қайталағаны үшін 20 (жиырма) айлық есептік көрсеткіш мөлшерінде (шағын кәсіпкерлік субъектілеріне немесе коммерциялық емес ұйымдарға-30, орта кәсіпкерлік субъектілеріне-50, ірі кәсіпкерлік субъектілеріне-100 АЕК мөлшерінде) әкімшілік жауапкершілік көзделген.