Қазақстан Республикасының азаматтығын жоғалтуды ресімдеуге қатысты

       Көші-қон қызметі Комитетіне Қазақстан азаматтығынан бас тарту мәселелері бойынша өзге азаматтықты қабылдаған Қазақстанның бұрынғы азаматтары жиі жүгінеді.

      Осы жағдайды пайдаланып, Қазақстанда «қос азаматтық» танылмайтынын және басқа елдің азаматтығын қабылдаған Қазақстан азаматтары   30  тәулік ішінде Қазақстан азаматтығын жоғалтуды тіркеу үшін көші қон қызметіне жүгінуі тиіс екенін түсіндіреміз.

Егер Қазақстанның бұрынғы азаматы өзге азаматтықтың  «қос азаматтық» болуын жасырса, онда оның іс әрекеті әкімшілік құқық бұзушылық белгілеріне жатады, бұл 200 АЕК-ке дейін айыппұл салуды немесе   Қазақстан Республикасының шегінен шығарып жіберуді көздейді.

       Осы жағдайды болдырмау үшін Көші қон қызметі комитеті шет елдерде тұратын Қазақстан азаматтары өзге елдің азаматтығын алған жағдайда Қазақстан азаматтығын жоғалтуды тіркеу үшін Қазақстан Республикасының шетелдегі мекемелеріне  уақтылы жүгінуді сұрайды.

         Қазақстан азаматтығын жоғалтуды тіркеу тегін жүргізіледі бұл ретте шетелдік азаматтың ұлтық паспортының көшірмесін қоса беріп, еркін нысанда өтініш жазу қажет.

       Толық ақпарат алу үшін Сіз Көші-қон қызметі комитетіне 8-7172-71-41-67 телефоны арқылы хабарлассаңыз болады.