Қазақстан СІМ басшысының Ресей елшісімен кездесуі туралы

Астана, 2024 жылғы 16 тамыз – Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу Ресей Федерациясының Қазақстан Республикасындағы Елшісі Алексей Бородавкинді қабылдады.

Кездесу барысында Қазақстан-Ресей стратегиялық серіктестіктің жай-күйі мен перспективалары, сондай-ақ жоғары және аса жоғары деңгейдегі алдағы сапарлардың кестесі талқыланды.

Өңірлік және халықаралық күн тәртібінің өзекті аспектілері, халықаралық ұйымдар мен интеграциялық бірлестіктер шеңберіндегі өзара ықпалдастық бойынша пікір алмасылды.